samajikkhabar.com

एजेन्सी : क्यारेबियन प्रिमियर लिग (सिपिएल) मा नेपाली नेल स्पिन सन्दीप लामिछाने सम्मिलित जमैका तलावाजले चौथो हार बेहोरेको छ ।

जमैका ट्रीनबेगो नाइट राइडर्ससँग १९ रनले पराजित भएको छ । जितका लागि १ सय ८५ रनको विजयी लक्ष्य पछ्याएको जमैका निर्धारित २० ओभरमा ६ विकेटको क्षतिमा १ सय ६५ रन बनायो । जमैका आन्द्रे रसेल २३ बलमा ५ चौका र ४ छक्कासहित ५० रनमा अविजित रहेपनि टोलीको हार टार्न सकेनन् । कार्लोस ब्रेथवेट १६ बलमा २ चौका र १ छकका सहित २१ रनमा अविजित रहे ।

सुनिल नारायणले पहिलो ओभरको पहिलो बलमै ओपनर चाडविक वाल्टनलाई खाता नखोली क्याच आउट गराउदै पेभेलियन फर्काए । दोस्रो ओभरको चौथो बलमा जर्मेन ब्ल्याकवुड ९ बलमा १२ रन जोड्दै बोल्ड आउट भए । उनलाई खारी पियरेले बोल्ड गरेका थिए । १६ औं ओभरको अन्तिम बलमा कुमा बोनर २६ रनमा आउट भए ।

ग्लेन फिलिप्स ३१ बलमा १ चौका र २ छक्का सहित ४१ रनको योगदान दिए । आसिफ अली ७ र कप्तान रोभमान पवेल २ रनमा आउट भए । राइडर्सका फवाद अहमदले सर्वाधिक २ विकेट लिए । खारी पियरे, अकील हुसेन, सुनिल नारायण र ड्वेन ब्राभोले समान १-१ विकेट लिए ।

त्यसअघि ब्रायन लारा स्टेडियममा टस हारेर ब्याटिङको निम्तो पाएको राइडर्सले निर्धारित २० ओभरमा ४ विकेटको क्षतिमा १ सय ८४ रन बनाएको थियो । नाइट राइडर्सलाई बलियो योगफमा पुर्याउन कोलिन मुनरोले ५४ बलमा १० चौका र १ छक्का सहित ६५ रनको योगदान दिए । कप्तान काइरन पोलार्ड १६ बलमा १ चौका र ३ छक्का प्रहार गर्दै ३३ रनमा अविजित रहे । चौथो विकेटका लागि मुनरो र पोलार्डले ७३ रनको उत्कृष्ट साझेदारी गर्दै विशाल योगफमा पुर्याए ।

राइडर्सलाई ओपनर सुनिल नारायणले ११ बलमा ५ चौका र १ छक्का सहित २९ रन जोड्दै आक्रामक सुरुवात दिलाए । कार्लोस ब्रेथवेटले तेस्रो ओभरको चौथो बलमा विकेटकिपर ग्लेन फिलिप्सबाट नारायणलाई क्याच आउट गराएका थिए । दशौं ओभरको तेस्रो बलमा सन्दीपले अर्का ओपनर लेन्डल सिमन्सलाई २५ रनमा मुजिब उर रहमानबाट क्याच आउट गराए । सिमन्सले २८ बलमा २ छक्का प्रहार गरे ।

मुनरो र सिमन्सले दोस्रो विकेटका लागि ४६ रनको साझेदारी गरेका थिए । तेस्रो विकेटका लागि मुनरोले टिम सिफर्टसँग मिलेर ३३ रन जोडे । सिफर्टलाई फिडेल एडवार्ड्सले १५ औं ओभरको दोस्रो बलमा सन्दीपको हातबाट १८ रनमा समताए । सिफर्टले १३ बलमा १ चौका र १ छक्का प्रहार गरे । सन्दीपले ४ ओभरमा २० रन खर्चेर १ विकेट लिए । मुजिबले ४ ओभरमा २६ रन खर्चिदा विकेट लिन सकेनन् । फिडेल एडवार्ड्सले ४ ओभरमा ४८ रन खर्चेर १ विकेट लिए । कार्लोस ब्रेथवेटले ४ ओभरमा ३६ रन खर्चेर १ विकेट लिए

यस्तो रह्यो सन्दीपको चार ओभर

जमैकाले सन्दीपलाई आठौं ओभरमा बलिङमा ल्याएको थियो । सन्दीपले सुरुवाती दुई बल वेस्टइन्डिजका ओपनर लेन्डल सिमन्सलाई डट राखे । तेस्रो बलमा एक रन दिए । चौथो बमा न्युजिल्यान्डका ओपनर कोलिन मुनरोलाई डट राखे । पाँचौ र छैटौं गुगली बल गर्दै एक एक रन दिए ।

सन्दीपले १० औं ओभरको पहिलो बलमा मुनरोलाई दुई रन खर्चिए । दोस्रो बलमा एक रन दिए । तेस्रो बलमा सन्दीपले सिमन्सलाई मुजिब उर रहमानबाट २५ रनमा क्याच आउट गराए । चौथो बलमा सन्दीपले न्युजिल्यान्डका टिम सिफर्टलाई एक रन दिए । पाँचौ बल मुनरोलाई डट राख्दा अन्तिम बलमा इन साइड एज लागेर चौका गएको थियो ।

सन्दीपले १२ औं ओभरको पहिलो, दोस्रो, तेस्रो र चौथो बल लगातार डट राखे । पाँचौ र छैटौं बलमा भने एक एक रन दिए ।
१४ औं ओभरको पहिलो बलमा सिफर्टले सन्दीपको बलमा दुइ रन बटुले । दोस्रो बलमा चौका प्रहार गरे । तेस्रो बल डट राख्दा चौथो बलमा एक रन दिए । पाँचौ र छैटौं बल डट राखे ।

यो हारसँगै जमैका ७ खेलमा ४ मा हार र ३ मा जित सहित चौथो स्थानमा छ । ७ खेलमा १४ अंक जोडेको राइडर्स शीर्ष स्थानमा रहेको छ ।

यो पनि पढ्नुहोस:

आजको राशिफल : २०७७ भदौ १७ गते बुधवार

यूरिया मलको सहज आपूर्ति गर्न बंगलादेश सकारात्मक : प्रधानमन्त्री

नेपालमा कोरोना संक्रमितको संख्या ४० हजार नाघ्यो

भूकम्पको धक्का महसुस

उपत्यकामा ४८१ सहित थप एक हजार ६९ जनामा कोरोना पुष्टि, ११ जनाको मृत्यु

अब सोचेकै भरमा कम्प्युटर चलाउन सकिने

samajikkhabar.com