samajikkhabar.com

काठमाडौं : भारतले न्यूजिल्यान्डविरुद्धको पाँच खेलको टी-ट्‍वेन्टी सिरीज क्लिनस्वीप गरेको छ। न्यूजील्यान्ड भ्रमणमा रहेको भारतीय टोलीले माउन्ट माउँगानुईमा खेलिएको अन्तिम खेलमा ७ रनको जित निकाल्न सफल भयो। 

यो सँगै भारतले न्यूजिल्यान्डलाई ५-० ले हराउँदै सिरीज कब्जा गरेको हो। टस जितेर पहिले ब्याटिङ्गमा उत्रिएको भारतीय टोलीले निर्धारित २० ओभरमा ३ विकेट खर्चदै १ सय ६३ रनको स्कोर बनाएको थियो। 

१ सय ६४ रनको लक्ष्य पछ्याएको न्यूजिल्यान्डले पुरा ओभरमा ९ विकेट गुमाउँदा १ सय ५६ रन मात्र बनाउन सक्यो।

पहिलो पटक पाँच खेलको टी-ट्‍वेन्टी सीरिज खेलिएकोमा भारतले सबै खेल जितेर इतिहास रच्न सफल भएको हो। 

यससँगै टी-ट्‍वेन्टी अन्तराष्ट्रिय टी-ट्‍वेन्टीको इतिहासमा भारतीय टोलीले उत्कृष्ट प्रदर्शन देखाउँदै द्धिपक्षीय टी-ट्‍वेन्टी सीरिजमा ५-० को जित हासिल गर्ने पहिलो टोली बनेको छ।

अब दुवै देशवीच तीन एकदिवसीय अन्तराष्ट्रिय क्रिकेट सिरीज हुनेछ। दुवै देशले पहिलो खेल आगामी बुधवार हेमिल्टनमा खेल्नेछन्।

samajikkhabar.com