samajikkhabar.com

काठमाडौँ — वेस्ट इन्डिजका चर्चित ब्याट्सम्यान क्रिस गेल एभरेस्ट प्रिमियर लिगमा पोखरा राइनोजबाट खेल्ने भएका छन् । साहिल अग्रवालको स्वामित्वमा रहेको पोखरा राइनोजले काठमाडौंको सोल्टी होटलमा पत्रकार सम्मेलन गरी यसको घोषणा गरेको हो ।

पोखरा राइनोजले गत वर्ष दक्षिण अफ्रिकाका रिचर्ड लेभीलाई खेलाएको थियो। इपिएलको तेस्रो सिजन चैतबाट सुरु हुँदैछ। गत सिजन पोखरा राइनोज लिगको पुछारमा रहेको थियो। गेल इपिएलमा खेल्ने चर्चा गत वर्ष पनि चलेको थियो।

वेस्ट इन्डिजको टिममात्रै नभइ इन्डियन प्रिमियर लिग (आइपिएल) मा आफ्नो बिस्फोटक ब्याटिङबाट गेल निकै चर्चित बनेका थिए। गेलको नाममा सबभन्दा छिटो शतकको कीर्तिमान छ। टि-२० मा सबभन्दा धेरै रन बनाउने खेलाडी र आइपिएलमा एकै इनिङमा धेरै छक्काको कीर्तिमान पनि उनकै नाममा छ। रासस

samajikkhabar.com