samajikkhabar.com

काठमाडौं : प्रधानमन्त्री केपी शर्मा ओलीले बंगलादेशकी समकक्षी शेख हसिनासँग टेलिफोन संवाद गरेका छन् ।

मंगलबार भएको कुराकानीमा प्रधानमन्त्री ओलीले नेपालमा युरिया मलको आपूर्ति सहज गरिदिन अनुरोध गरेका छन् ।

‘आज दिउँसो बंगलादेशकी प्रधानमन्त्री शेख हसिनासँग नेपाल–बंगलादेश सम्बन्धबारे उपलब्धिपूर्ण छलफल भयो’, प्रधानमन्त्री ओलीले भने, ‘यो सिजनका लागि नेपालमा युरिया मल तत्काल आपुर्ति गर्न मैले गरेको अनुरोधलाई उहाँले सकारात्मक रूपमा लिनु भएको छ ।’

संवादमा ओलीले हसिनासँग ५० हजार टन युरिया मल पैँचोका लागि आग्रह गरेका हुन् ।

वार्तापछि परराष्ट्र मन्त्रालयले निकालेको विज्ञप्तिमा ओलीको आग्रहलाई हसिनाले सकारात्मक रूपमा लिएको उल्लेख गरिएको छ ।

ओलीले पनि सामाजिक संजाल ट्वीटरमार्फत संवादका दौरान यो सिजनमा छिटै आवश्यक परेको रासायनिक मलको निर्यातको सम्बन्धमा आफूले गरेको आग्रहलाई हसिना सकारात्मक देखिएको उल्लेख गरेका छन् ।

खेतीपातीको मुख्य समयमै रासायनिक मल अभाव भएपछि सरकारले बंगलादेशसँग पैँचो (सापटी) लिन लागेको हो । त्यसको लागि कृषि मन्त्रालयले केहि समय अघिदेखि नै गृहकार्य गर्दै आइरहेको थियो ।

त्यस्तै प्रधानमन्त्री ओली र हसिनाबीच दुई पक्षीय व्यापार, उर्जा र ट्रान्जिटलगायत अरू विषयमा सहकार्यलाई थप मजबुद् बनाउने विषयमा कुराकानी भएको थियो ।

नेपालमा यसपालि धानमा हाल्ने रासायनिक मलको हाहाकार छ। नेपालमा कृषकहरुले धानमा हाल्ने युरिया मल महागो मूल्यमा किनिरहेका छन् ।

कृषि सामग्री कम्पनी लिमिटेडले दुई ठेकेदारलाई मल ल्याउन ठेक्का दिए पनि समयमा मल नल्याउँदा किसानहरु मारमा परेका थिए । कम्पनीले ती ठेकेदारलाई ५० हजार मेट्रिक टन युरिया मल ल्याउन सम्झौता गरेको थियो ।

यो पनि पढ्नुहोस:

नेपालमा कोरोना संक्रमितको संख्या ४० हजार नाघ्यो

भूकम्पको धक्का महसुस

उपत्यकामा ४८१ सहित थप एक हजार ६९ जनामा कोरोना पुष्टि, ११ जनाको मृत्यु

अब सोचेकै भरमा कम्प्युटर चलाउन सकिने

निषेधाज्ञाबारे निर्णय लिने अधिकार गृहमन्त्रालयलाई सुम्पने उपत्यकाका प्रजिअहरुको तयारी

कोभिड अस्पताल प्रमुख पोखरेलले दिइन् राजीनामा

samajikkhabar.com