samajikkhabar.com

सुन्दर व्यक्तित्व भएका व्यक्तिको प्रभाव हरेक भेट वा परिस्थितिमा सकारात्मक हुन्छ । सुन्दर व्यक्तित्वका लागी मानिसको शारीरीक वनावटसँगै उसको शारीरीक सुन्दरता पनि आवश्यक हुन्छ ।

शारीरिक सुन्दरता भनेको मानिसको अनुहार, आखाँ, छालाको सुन्दरता नै हो । आफूलाई सुन्दर पार्न मानिस सौन्दर्य सामाग्रीको अत्यधिक प्रयोग गर्ने पनि गर्दछन् । तर हाम्रो भान्सामा पाइने केही सामाग्रीको प्रयोगले नै हाम्रो सुन्दरतामा ठूलो मद्दत पु¥याउँछ । आज हामी मानिसलाई सुन्दर बनाउन भान्सा भित्रै पाइने ती ९ कुराको जानकारी दिदैछौ, जसको प्रयोगले हामीलाई सुन्दर बनाउन सहयोग गर्छ ।

१. गोलभेडा

भिटामिन ‘ए’ र ‘सी’ भरपूर मात्रामा पाइने टमाटरको सेवन गर्दा डण्डीफोर आउँदैन र छाला स्वस्थ रहन्छ । टमाटरको नियमित सेवनले छालामा चमक आउँछ । अनुहारमा टमाटर लगाउँदा रौंका छिद्रहरु बन्द हुन्छन् ।

२. अमला

बहुउपयोगी गुण भएको अमला छालाका लागि निकै लाभदायक मानिन्छ । अमलाको प्रयोगले कपाललाई समेत फाइदा गर्दछ । नियमित अमलाको सेवन गर्दा छालामा चम्किलो हुनुको साथै कपाल लामो, बाक्लो र बलियो हुन्छ । चाउरीपनाको समस्यामा पनि अमला निकै उपयोगी छ ।

३. अदुवा

एन्टी एजिङययुक्त अदुवाको सेवनले वृद्ध अवस्थामा पनि छालालाई जवान झै बनाइराख्छ । बिहान–बिहान खाली पेटमा अदूवा खादाँ छाला आकर्षक र सुन्दर देखिन्छ । अदुवाको रस अनुहारमा लगाएमा चाउरिएको छाला जवान झै देखिन्छ ।

४. लसुन

एन्टी अक्सिडेन्ट गुणयुक्त लसुन खाँदा छाला चम्किलो हुनुका साथै सुन्दर देखिन्छ । दैनिक लसुनको एक टुक्रा चपाएर खाएमा छालाको चाउरिपन हट्छ । डण्डीफोर आउँदा लसुनलाई पिसेर अनुहारमा लगाएमा फाइदा पुग्छ ।

५. कागति

बहुउपयोगी गुणयुक्त कागतिको सेवन निकै लाभदायक मानिन्छ । भिटामिन ‘सी’ले भरीपूर्ण कागतीको सेवनले छाला स्वस्थ हुन्छ । कागतीको रस अनुहारमा लगाउँदा डण्डीफोर आउन छाड्छ र डण्डिफोरका दाग पनि हराएर जाने गर्दछन् । कागतिको रस छाला र कपालमा लगाउदा दुवैमा चमक आउने गर्दछ ।

६. करेला

कतिपयलाई करेलाको तरकारी मन पर्दैन । तर करेला हाम्रो स्वास्थ्यका लागी भने बहुउपयोगी छ । प्रसस्त मात्रामा भिटामिन ‘ए’ पाइने करेलामा एन्टिअक्सिेडेन्ट समेत पाइन्छ । तसर्थ सातामा २ पटक करेलाको तरकारी खाएमा यसले रगतलाई शुद्ध बनाउन मद्दत गर्छ । जसका कारण अनुहारमा डण्डीफोर आउनबाट रोक्छ र छालालाई स्वस्थ राख्छ ।

७. पर्बल

धेरैलाई पर्बलको तरकारी मनपर्ने गर्दछ । तर यसको सेवन गर्दा हुने फाइदा बारे जानकारी नहुन सक्छ । पर्बलको नियमित सेवन गर्दा छालामा हुने एलर्जीबाट छुटकारा मिल्नुका साथै रगत सफाईमा समेत मद्दत पुग्छ । पर्बल खाँदा छालाका रोगहरु लाग्न पाउँदैन । दाद वा लुतो आउँदा पर्बलको पात पिसेर लगाउँदा निको हुन्छ ।

८. मेथी

हरेक नेपालीको भान्सामा पाइने मेथीको सेवनले पेट सम्बन्धी रोगबाट छुटकारा दिलाउँछ । मेथी खाँदा पेट सफा हुनुका साथै छाला स्वस्थ र चम्किलो हुने गर्दछ । मेथी सेवन गर्दा छालाका रोगहरु लाग्ने सम्भावना पनि न्यून हुन्छ । मेथीको पात पिसेर टाउको धोएमा कपाल बलियो र चम्किलो हुने गर्दछ ।

९. मुला

तरकारी, अचारमा मात्र होइन सलादका रुपमा समेत मुलाको प्रयोग हुन्छ । मुलाको नियमित सेवन गर्दा रगत शुद्ध हुन्छ तथा डण्डीफोर आउँदैन । यदि एक महिनासम्म लगातार मुला खाउमा डण्डीफोर आउँदा अनुहारमा बनेका दाग हराएर जान्छन् । मुलाको रस र तिलको तेलको मिश्रण बनाई टाउको मसाज गरेमा कपाल र्झन कम हुन्छ ।

samajikkhabar.com